06/07/2007|

Jazz undir fjöllum 14. júlí 2007

Jazz undir fjöllum, árleg jazzhátíð í Skógum undir Eyjafjöllum, verður haldin í fjórða sinn laugardaginn 14. júlí. Mikill metnaður hefur verið lagður í dagskrána , en alls koma 15 tónlistarmenn fram á sex tónleikum.

 

Í Skógakaffi verður boðið upp á lifandi og fjölbreytta dagskrá frá kl. 13-17.  Þar koma fram kvintettinn Tepokinn, en þeir eru langt komnir nemendur við Tónlistarskóla FIH. Einnig verður tekin upp hefð frá fyrstu jazzhátíðinni í Skógum og einir tónleikar tileinkaðir minningu trompetleikarans Viðars Alfreðssonar.  Viðar átti ættir að rekja til Eyjafjalla og hljóðfæri hans eru geymd á byggðasafninu.

Á aðaltónleikum hátíðarinnar í félagsheimilinu Fossbúð leikur Tríó Björns Thoroddsen með tveimur gestum; fyrst syngur Andrea Gylfadóttir íslensk sönglög með tríóinu, en síðan blandast jazz og blús þegar blúskóngurinn Halldór Bragason stígur á svið með trióinu eftir hlé.

 

Fyrri hátíðir hafa fengið frábæra aðsókn og góða dóma.  Hér er á ferðinni einstakt tækifæri til að njóta góðrar og fjölbreyttrar tónlistar í tengslum við náttúru Íslands eins og hún gerist fegurst. Aðstandendur hátíðarinnar eru Byggðasafnið í Skógum og Sigurður Flosason, en hann er skipuleggjandi tónlistaratriða og sér um kynningarmál. Hátíðin nýtur stuðnings Rangárþings eystra og Kaupþings á Hellu. Aðgangur er ókeypis í Skógakaffi, en aðgangseyrir er kr. 1.500 í Fossbúð og eru bæði tónlistaratriðin innifalin.

Dagskráin er eftirfarandi:

Laugardagur 14. júlí

 

Byggðasafnið í Skógum – Samgöngusafn / Skógakaffi

 

Kl. 13:00-13:50 Kvartett Andrésar og Eyjólfs

Eyjólfur Þorleifsson: saxófonn, Andrés Þór Gunnlaugsson; gítar, , Valdimar K. Sigurjónsson, kontrabassi, Einar Scheving: trommur

Kl. 14:00-14:50 Tepokinn

Jóhannes Þorleiksson: trompet, Ingimar Anderssen: saxófónn, Kristján Martinsson: piano, Leifur Gunnarsson: kontrabassi, Magnús Tryggvason Eliassen: trommur

Kl. 15:00-15:50 Tríó Ívars Guðmundssonar

Árlegir trompettónleikar í minningu Viðars Alfreðssonar

Ívar Guðmundsson: trompet, Jón Rafnsson: kontrabassi, Jóhann Hjörleifsson: trommur

Kl. 16:00-16:50 Kvartett Andrésar og Eyjólfs

Félagsheimilið Fossbúð

Kl. 21:00 Andrea Gylfadóttir og Tríó Björns Thoroddsen

Andrea Gylfadóttir: söngur, Björn Thoroddsen: gítar, Jón Rafnsson: kontrabassi, Jóhann Hjörleifsson: trommur

Kl. 22:30 Halldór Bragason og Tríó Björns Thoroddsen

Halldór Bragason: gítar og söngur, Björn Thoroddsen: gítar, Jón Rafnsson: kontrabassi, Jóhann Hjörleifsson: trommur

 

til baka