Skógasafn

Jazz undir Fjöllum, jazzhátíð í Skógum undir Eyjafjöllum, hefur verið haldin undanfarin átta sumur með frábærum árangri. Að hátíðinni standa Byggðasafnið í Skógum og tónlistarmaðurinn Sigurður Flosason, en hann hefur verið listrænn stjórnandi hátíðarinnar frá upphafi.  Meginmarkmið hátíðarinnar er  annars vegar að efla menningarlíf undir Eyjafjöllum,  auka ferðamannastraum og vekja athygli á svæðinu með jákvæðum hætti. Hins vegar að gefa jazzáhugafólki tækifæri á að njóta frábærs flutnings fremstu listamanna þjóðarinnar á þessu sviði.

Í ár verður hátíðin haldin laugardaginn 28. júlí.

 

Oddastefna, árlegt málþing Oddafélagsins, var haldin í Skógum undir Eyjafjöllum laugardaginn 7. maí 2011.  Heimamenn í Skógum tóku rausnarlega á móti fundargestum.   Þar á bæ var það undirbúið af þeim hjónum Sverri Magnússyni forstöðumanni og Margréti Einarsdóttur í Skógum en Þórður Tómasson safnvörður flutti í upphafi Oddastefnu skörulegt ávarp og athyglisvert erindi sem birtist hér á heimasíðu Skógasafns.  Þórður er heiðursfélagi Oddafélagsins ásamt Jakobínu Erlendsdóttur frá Odda á Rangárvöllum.  Oddafélagið þakkar Skógamönnum heils hugar ánægjulega stund og gerðu 85 fundargestir góðan róm að Oddastefnu í Skógum, erindum, viðurgerningi og söfnum.

Þættir um land, menn og mannaminjar í Vestur-Skaftafellssýslu

Í þessari bók fjallar höfundur um mannlíf í Vestur-Skaftfellssýslu á liðnum öldum og kynni sín af lifandi samfélagi fólks á þessu svæði á seinni hluta 20. aldar, fólks sem tók safnaranum í Skógum með hljóðlátri hlýju og skilningi. Hér er um að ræða safn laustengdra þátta á sviði íslenskra þjóðfræða sem allir tengjast safnstarfi höfundar um 60 ára skeið.

Bókin er gefin út í tilefni af 90 ára afmæli höfundar og 60 ára afmæli Skógasafns.

350 bls. | 240 x 170 | 2011 | ISBN 978-9979-655-77-0

Tilboð 5.500 kr.

Í tilefni af safnahelgi á Suðurlandi verður aðgangur að Skógasafni ókeypis  5. og 6. nóvember. Safnið er opið frá 11:00 til 16:00 og vonumst við til að sjá sem flesta.