Skip to the content

Jazzhátíð í Skógum

Jazz undir fjöllum, árleg jazzhátíð í Skógum undir Eyjafjöllum, verður haldin í átjánda sinn laugardaginn 17. júlí.
 
Aðaltónleikar hátíðarinnar fara fram í félagsheimilinu Fossbúð laugardagskvöldið 17. júlí kl. 21:00. Þar kemur fram kvartett söngkonunnar Stínu Ágústsdóttur en hún býr og starfar í Svíþjóð þar sem hún hefur gert garðinn frægan. Með henni leika þeir Agnar Már Magnússon á Hammond-orgel, Andrés Þór Gunnlaugsson á gítar og Jóhann Hjörleifsson á trommur. Þau munu flytja hressilega og fjölbreytta dagskrá.

 

Í Skógakaffi verður boðið upp á tónlist laugardaginn 17. júlí frá kl. 14-17. Þar verða óformlegri tónleikar eða nokkurskonar jam session. Sigurður Flosason leikur á saxófón, Snorri Sigurðarson á trompet, Andrés Þór Gunnlaugsson á gítar,  Agnar Már Magnússon á Hammond-orgel og Jóhann Hjörleifsson á trommur. Þeir mun flytja fjölbreytta efnisskrá. Einnig munu Andrés og Agnar leika lög af nýútkominni plötu sinn „Aldarfar“ en á henni heiðra þeir Jón Múla Árnason 100 ára og verk hans. Ókeypis er inn á þessa tónleika og reiknað með að gestir geti komið og farið að vild á meðan á tónleikunum stendur.


Fyrri hátíðir í Skógum hafa fengið frábæra aðsókn og góða dóma. Hér er á ferðinni einstakt tækifæri til að njóta góðrar og fjölbreyttrar tónlistar í tengslum við lifandi náttúru Íslands eins og hún gerist fegurst. Aðstandendur hátíðarinnar eru Byggðasafnið í Skógum og Sigurður Flosason. Hátíðin nýtur stuðnings Rangárþings eystra, Skógasafns og Hótel Kvernu. Aðgangur er ókeypis í Skógakaffi, en aðgangseyrir er kr. 2.900 í Fossbúð.

Opnunartímar

Júní, júlí og ágúst frá 10:00 – 18:00

september: 10:00 – 17:00

október – apríl: 11:00 – 16:00

maí frá 10:00 – 17:00.

Leiðsagnir um safnið

Leiðsagnir um safnið eru í boði fyrir pantaða hópa sem telja tíu eða fleiri á ensku, þýsku og íslensku. Einnig gefst stundum kostur að fá leiðsögn á frönsku og norðurlandamálum.

Leiðsagnir eru í boði frá opnun og fram til klukkutíma fyrir lokun.

Meiri upplýsingar um pantanir fyrir hópa og leiðsagnir má nálgast á booking@skogasafn.is eða í síma 487 8845.