Jazzhátíð í Skógum

Jazz undir fjöllum
Jazzhátíð í Skógum undir Eyjafjöllum
22. júlí 2023

Jazz undir fjöllum, árleg jazzhátíð í Skógum undir Eyjafjöllum, verður haldin í tuttugasta sinn laugardaginn 22. júlí. Í ár fara tónleikarnir fram í Skógakirkju og á Freya Café í Samgöngusafninu í Skógum. Ókeypis er inn á tónleikana og reiknað með að gestir geti komið og farið að vild á meðan á tónleikunum stendur.

Fyrri hátíðir í Skógum hafa fengið frábæra aðsókn og góða dóma. Hér er á ferðinni einstakt tækifæri til að njóta góðrar og fjölbreyttrar tónlistar í tengslum við lifandi náttúru Íslands eins og hún gerist fegurst. Aðstandendur hátíðarinnar eru Skógasafn og Sigurður Flosason. Hátíðin nýtur stuðnings Rangárþings eystra og Skógasafns. 


Dagskráin er eftirfarandi:
Laugardagur 22. júlí

Skógakirkja

Kl. 13:30-14:30  - Sálmar og þjóðlög

Agnar og Sigurður spinna út frá íslenskum þjólögum og sálmum

Agnar Már Magnússon: píanó og harmóníum, Sigurður Flosason: saxófónar

Samgöngusafnið í Skógum, Freya Café

Kl. 15:00-16:00 – Bláir skuggar

Grípandi tónlist á mörkum jazz og blús

Sigurður Flosason: saxófónn, Andrés Þór Gunnlaugsson: gítar, Agnar Már Magnússon: Hammond-orgel og Jóhann Hjörleifsson: trommur. 

Kl. 16:00-17:00 - Unnur Birna og vinir

Fjöbreytt og skemmtileg dagskrá með söng og sveiflu

Unnur Birna Björnsdóttir: söngur og fiðla, Andrés Þór Gunnlaugsson: gítar, Agnar Már Magnússon: hljómborð, Sigurgeir Skafti Flosason: bassi, Jóhann Hjörleifsson: trommur.