Skip to the content

Húsasafn

Húsasafnið
Húsaþorpið

Byggðasafnið í Skógum býr að stóru og glæsilegu útisýningarsvæði. Þar kennir margra grasa og má þar finna góða fulltrúa fyrir húsagerð fyrr á öldum.

Á neðri hluta sýningarsvæðisins setur torfbærinn mikinn svip á sýningarsvæðið. Þar eru saman komin fjós, skemma, baðstofa, hlóðaeldhús, búr og stofa. Á neðri hluta sýningarsvæðisins má einnig finna rafstöð sem er góður fulltrúi fyrir þá hugvitsmenn sem voru brautryðjendur í virkjun vatnsafls til framleiðslu rafmagns.

Á efri hluta sýningarsvæðisins er að finna skólabyggingu sem er dæmigerð fyrir sveitaskóla í upphafi 20. aldar. Einnig er þar kirkja og fjósbaðstofa ásamt skemmu. Efst er elsta íbúðarhús úr timbri á safnsvæðinu, byggt í Holti á Síðu 1898. Austan við rafstöðina er eitt brúarhaf brúarinnar yfir Jökulsá á Sólheimasandi sem smíðuð var árið 1921.

Opnunartímar

Janúar: 10:00 - 16:00

Febrúar: 10:00 - 17:00 (Um helgar í febrúar er opið frá 10:00 - 16:00)

Mars - maí: 10:00 - 17:00

Júní - ágúst: 09:00 - 18:00

September - október frá 10:00 - 17:00

Nóvember: 10:00 - 17:00 (Um helgar í nóvember er opið frá 10:00 - 16:00)

Desember: 10:00 - 16:00

Leiðsagnir um safnið

Leiðsagnir um safnið eru í boði fyrir pantaða hópa sem telja tíu eða fleiri á ensku, þýsku og íslensku. Einnig gefst stundum kostur að fá leiðsögn á frönsku og norðurlandamálum.

Leiðsagnir eru í boði frá opnun og fram til klukkutíma fyrir lokun.

Meiri upplýsingar um pantanir fyrir hópa og leiðsagnir má nálgast á booking@skogasafn.is eða í síma 487 8845.