Skip to the content

Jazzhátíð í Skógum undir Eyjafjöllum 14. júlí 2018

Jazz undir fjöllum, árleg jazzhátíð í Skógum undir Eyjafjöllum, verður haldin í fimmtánda sinn laugardaginn 14. júlí 2018.
 
Aðaltónleikar hátíðarinnar fara fram í félagsheimilinu Fossbúð laugardagskvöldið 14. júlí kl. 21:00. Þar koma fram jazzsöngkonurnar Kristjana Stefánsdóttir og Ragnheiður Gröndal, bæði sitt í hvoru lagi og saman. Með þeim leika þeir Agnar Már Magnússon á píanó, Þorgrímur Jónsson á kontrabassa og Erik Qvick á trommur. Hópurinn mun flytja fjölbreytt úrval þekktra jazzstandarda.

Í Skógakaffi verður boðið upp á tónlist laugardaginn 14. júlí frá kl. 14-17. Þar verður sígild jam session þar sem saxófónleikaranir Óskar Guðjónsson og  Sigurður Flosason bregða á sprett ásamt þeim Agnari Má Magnússyni á píanó, Þorgrímui Jónssyni á kontrabassa og Erik Qvick á trommur. Ókeypis er inn á þessa tónleika og reiknað með að gestir geti komið og farið að vild á meðan á tónleikunum stendur.

Fyrri hátíðir í Skógum hafa fengið frábæra aðsókn og góða dóma. Hér er á ferðinni einstakt tækifæri til að njóta góðrar og fjölbreyttrar tónlistar í tengslum við lifandi náttúru Íslands eins og hún gerist fegurst. Aðstandendur hátíðarinnar eru Byggðasafnið í Skógum og Sigurður Flosason. Hátíðin nýtur stuðnings Rangárþings eystra, Skógasafns, Hótels Skóga og Hótels Eddu. Aðgangur er ókeypis í Skógakaffi, en aðgangseyrir er kr. 2.000 í Fossbúð.

Dagskráin er eftirfarandi:


Laugardagur 14. júlí


Byggðasafnið í Skógum – Samgöngusafn / Skógakaffi
Kl. 14:00-17:00  - Jamsession í Skógakaffi

Óskar Guðjónsson: saxófonn, Sigurður Flosason: saxófónn, Agnar Már Magnússon: píanó, Þorgrímur Jónsson: kontrabassi, Erik Qvick: trommur.
 
 
Félagsheimilið Fossbúð
Kl. 21:00 – Kristjana og Ragnheiður

Kristjana Stefánsdóttir: söngur, Ragnheiður Gröndal: söngur, Agnar Már Magnússon: píanó, Þorgrímur Jónsson: kontrabassi, Erik Qvick: trommur.

Jazzhátið - Skógasafn

 

Opnunartímar

Júní - ágúst: 10:00 - 18:00
September - maí: 11:00 - 16:00 

Leiðsagnir um safnið

Leiðsagnir um safnið eru í boði fyrir pantaða hópa sem telja tíu eða fleiri á ensku, þýsku og íslensku. Einnig gefst stundum kostur að fá leiðsögn á frönsku og norðurlandamálum.

Leiðsagnir eru í boði frá opnun og fram til klukkutíma fyrir lokun.

Meiri upplýsingar um pantanir fyrir hópa og leiðsagnir má nálgast á booking@skogasafn.is eða í síma 487 8845.